Terminal híbrida

Hotwire é unha ferramenta que integra a clásica terminal de comandos con varias utilidades que nos permitan interoperar de forma gráfica con ela. Deste xeito poderemos ver o contido dos directorios polos que nos movamos ao estilo dun navegador de arquivos, ou ter accesibles mecanismos moi útiles como mostrarnos as opcións dispoñibles (segundo o comando e momento) tamén de xeito gráfico. Aínda que para os usuarios que se adoiten mover na terminal non achegue moito, véxoa unha ferramenta útil para os que empecen a dar os seus primeiros pasos na liña de comandos.

Fonte:: -kernelsource-