Mellorando o rendimento do teu sistema

Lendo na bitácora do profesor Ricardo Galli (creador do mename.net) atoparás unha nova que indica como mellorar o rendemento do teu sistema desactivando as opcións ‘atime‘ e ‘diratime‘ .

O Sr.Galli danos unha breve explicación::

“Seguindo o deseño orixinal de Unix, para cada ficheiro almacénanse unha serie de -metadatos-, entre eles a data de creación/modificación ->mtime, modificación do inodo ->ctime, e tamén a data de último acceso -> atime. Iso significa que aínda que se acceda a un ficheiro para só lectura xérase unha escritura ao disco para actualizar a hora de acceso ten precisión dun segundo. Isto ocorre aínda que o contido do ficheiro estea completamente no pagecache, o que o fai aínda máis ridículo.

O noatime -> indica que non se actualice a hora de acceso a un ficheiro. nodiratime -> é similar pero para accesos a directorios (por exemplo cando se busca un ficheiro polo seu nome).

¿Por que se segue usando? Sobre todo por razóns históricas e porque uns poucos programas de correo, ‘creo que tamén o mutt‘ úsano para verificar se chegaron un correo novo. Xa non ten nin sentido para isto, porque o Linux ten interfaces máis adecuadas para iso, por exemplo o inotify, que notifican aos programas cando se modifica un ficheiro ou directorio.”

E tamén nos indica como debemos de proceder::

Agregar as opcións “noatime,nodiratime” no /etc/fstab.
/dev/sda1 / ext3 defaults,noatime,nodiratime,errors=remount-ro 0 1

Para non reiniciar o ordenador ou o servidor:
mount -o remount,noatime,nodiratime /

E como se indica nos comentarios que hai seguindo a nova, isto pode axudar a aforrar baterías dos nosos portátiles e porque non ata a vida do disco duro que ó ter menos accesos terá menos carga de traballo prolongando a súa vida de uso.

Nova orixinal aquí.

DVDisaster recupera os datos dos teus DVD’s-CD’s

Leo en ubuntips o seguinte sobre este programa::

DVDisaster é unha utilidade con licenza GNU que é compatible con calquera sistema operativo. Proporciona unha certa marxe de seguridade contra as perdas de información almacenada en CD’s ou DVD’s, xa sexa polo envellecemento ou pola deterioración física do soporte.Por suposto o programa non fai milagres, pero é unha utilidade que xa engadín á miña colección de ferramentas de administración.

O programa crea uns datos de corrección de erros, para compensar os erros que non pode corrixir a unidade de CD/DVD, mellorando así as probabilidades de recuperar un arquivo danado. Pero como veremos, esta non é a única utilidade desta opción. Para lograr o seu labor o programa intenta ler tanta información como é posible do soporte danando. Posteriormente, os sectores que non son legibles, recupéranse mediante o arquivo de corrección de erros que se xerou anteriormente. O usuario pode seleccionar a capacidade máxima de corrección de erros que desexa utilizar con determinado soporte.Outro dato a ter en conta, é que este programa funciona a nivel de imaxe, polo que non depende do sistema de arquivos que puidese ter o soporte.

(Ollo!) Se se ten un disco con información valiosa, a mellor opción é crear un arquivo de corrección de erros por anticipado e gardalo nun lugar seguro. Desta forma teranse as máximas probabilidades de recuperar a información contida no soporte, se nalgunha ocasión dános erros. O seguinte sería gravar a iso resultante nun novo soporte.

Polo tanto, este programa tamén nos permite realizar -accións preventivas- contra a perda de información, algo en grao sumo interesante.

Os usuarios de Ubuntu temos a posibilidade de instalar este programa directamente dos repositorios. así que o podemos facer facilmente mediante Synaptic ou con apt-get.

Web de DVDisaster.

Tamén tes máis información en kriptopolis.