Sobre min..

Nacín a finais dos 70 na cidade das murallas, dende neno vivo na aldea
e quizais por iso aprendín a contar estrelas, a disfrutar e a respetar a natureza,
a comtemplar a silueta do lonxano horizonte por onde cada día sae o sol.

Sempre fun unha persoa inqueda, gústame todo aquelo que ten que ver coa ciencia,
-física,química,bioloxía,xeoloxía,astronomía,arqueoloxía,…- por iso
podo pasarme horas vendo documentais sobre calquera destes temas.

Non me gusta o mundo no que nos tocou vivir…guerras,contaminación,hipocresía,
especulación,egoísmo,…pasa o tempo e non aprendemos nada da historia, esta repitese
unha e outra vez en distintos escenarios e con distintos nomes.

Por iso gústame pertencer a esa minoría (hoxe por fortuna xa non tan pequena) de persoas
que nos gusta axudar a outra xente e a súa vez ser axudado por outros, gústame pensar
que se poden cambiar as cousas por moi grande que sexa o muro que hai que saltar.

Con respecto a informática ea tecnoloxia son a controversia en persoa; podo tirarme dias ou semanas fedellando sin parar para sacar adiante unha idea ou un traballo, ou podo pasar tempo e tempo sin tocar un trebello ou sen programar unha liña de código; isto último supoño que será causa de que teño multiples aficións (xardinería, carpintería, mountan-bike, senderismo, natación, running ‘ousexa correr’, badminton,…) vamos calquera cousa menos estar quieto.

Este podería ser eu no mundo dos Simpson.

Son usuario do sistema operativo Gnu/Linux.

Son usuario rexistrado de Ubuntu.

Apoío a iniciativa ‘puntoGal‘ para ter un dominio galego.